UTSTILLINGAR I
​GALLERI BLINK

Solund Kunstlag
arrangerer årleg ein stor utstilling i månadskiftet august/september kvart år.
I samband med ein årleg Solunddag i same tidsrom, gjev dette eit godt besøkstal.
​ Galleri Blink ligg i underetasjen på barneskulen på Hardbakke, og er miniatyrskytebana til det lokale skytterlaget . Vi gjer den om til galleri i utstillingsperioden. Lokalet er godt eigna til vårt behov, og vi får låne lokalet vederlagsfritt. Solund barne-og ungdomsskule nyttar utstillinga i undervisningssamanheng. ​

Foto frå utstilling i Galleri Blink 2022. Utstillarar som deltok var Gry Buer, Lars Tveit og Marta Nerhus.
Sjå omtale om kunstnarane under her. 

Gry Buer bur og jobbar i Solund. Ho arbeider med bilete i ulike teknikkar, som måleri, trykk og foto. Gry Buer har atelier på Hardbakke og jobbar som kunstnar i tillegg til stillinga som kulturskulerektor . Ho har utdanning frå Kunsthøgskulen i Bergen med hovudfag illustrasjon og grafisk design. Gry Buer er grynder og prosjektleiar for  Alt lys på Solund og Solund lyskunstfestival .
Lars Tveit er frå Bergen og er kanskje mest kjend for mange for dei spesielle «naust-bileta» sine, men har også andre tema han er oppteken av. Lars Tveit har utdanning som ingeniør  og  industrielle motiv er også eit av temaene han bruker i måleria og trykka sine.
Marta Nerhus har streng og metalltråd som hovudmateriale ,ho strikkar metervare av metalltråd for så å modellere skulpturar , sy bilete eller lage andre installasjonar av dette. Nerhus har hatt statens kunstnarstipend sidan 2014 og har verkstad på USF Verftet i Bergen.